ខ្ញុំព្រះករុណា ខ្ញុំ និងភរិយា សូមប្រគេនពរព្រះសង្ឃគ្រប់ព្រះអង្គ និងជូនពរបងប្អូនជនរួមជាតិទាំងក្នុង និងក្រៅប្រទេស កងកម្លាំប្រដាប់អាវុធដែលកំពុងឈរជើងការពារតាមព្រំដែន និងកងកម្លាំងដែលកំពុងបំពេញបេសកកម្មថែរក្សាសន្តិភាពក្រោមឆ័ត្រអង្គការសហាប្រជាតិនៅក្រៅប្រទេស សូមមានសំណាងល្អ និងរីករាយនៅក្នុងថ្ងៃភ្ជុំធំទាំងអស់គ្នា។

ថ្ងៃនេះបិណ្ឌទី ១៤ ហើយ។ ថ្ងៃស្អែកពិធីបុណ្យភ្ជុំធំនឹងមកដល់។ សង្ឃឹមថាបងប្អូនជនរួមជាតិភាគច្រើនគឺ បានទៅវត្តបោះបាយបិណ្ឌ និងធ្វើបុណ្យដាក់បាត្រប្រគេនបច្ច័យនិងទ័យទានមួយចំនួនដល់ព្រះសង្ឃ ដើម្បីឧទ្ទិសដល់សាច់សារលោហិតដែលបានចែកឋានទៅហើយ។

នៅ២ថ្ងៃទៀត ពិធីបុណ្យភ្ជុំបិណ្ឌធំនឹងចូលមកដល់ ព្រោះថ្ងៃនេះគឺបិណ្ឌទី១៣ហើយ។ សូមជនរួមជាតិ និងបងប្អូនកូនក្មួយកម្មករកម្មការនីធ្វើដំណើរទៅជួបជុំក្រុមគ្រួសារទាំងនៅក្នុងទីក្រុង និងតាមបណ្តាខេត្តនានា សុខសប្បាយតាមផ្លូវ និងបានរីករាយនៅក្នុងឱកាសបុណ្យភ្ជុំទាំងអស់គ្នា។ ទន្ទឹមនឹងការធ្វើបុណ្យនៅវត្ត សូមកុំភ្លេចព្រះរស់នៅផ្ទះដែលតែងតែផ្តល់នូវពរជ័យ

ថ្ងៃនេះគឺបិណ្ឌទី១២ ហើយ នៅសល់តែ៣ថ្ងៃទៀតពិធីបុណ្យភ្ជុំបិណ្ឌធំនឹងមកដល់។ ដោយសារប្រទេស ជាតិយើងមានសន្តិភាព ទើបយើងមានឱកាសអាចប្រារព្ឋពិធីបុណ្យសាសនានានាបាន។ សូមបងប្អូនធ្វើដំណើរទៅជួបជុំក្រុមគ្រួសារនៅតាមខេត្តនានាមានសុខសុវត្តិភាពតាមផ្លូវ

ថ្ងៃនេះបិណ្ឌ១១ហើយ សង្ឃឹមថាបងប្អូនជនរួមជាតិបានចូលរួមកាន់បិណ្ឌ និងបានទៅវត្តបានមួយ ចំនួនហើយ។ សូមជូនពរបងប្អូនជនរួមជាតិទាំងក្នុងនិងក្រៅប្រទេស និងបងប្អូនកងទ័ពដែលកំពុងឈរជើងនៅតាមព្រំដែន និងបងប្អូនកងទ័ពដែលកំពុងបំពេញការងារបេសកម្មអង្កការសហប្រជាជាតិនៅក្រៅប្រទេស

កម្មវិធី ខ្ញុំជាយុវជនគំរូកម្ពុជា